Justice (R) Arshad Noor Khan, JM (SHRC) Visited Rural Health Center (PPHI), at Rehri Goth, Karachi.

• November 15, 2023

جوڈیشل ممبر سندھ ہیومن رائٹس کمیشن، جسٹس ریٹائرڈ ارشد نور خان کا اپنی ٹیم کے ہمراہ ریڑھی گوٹھ، ملیر میں 36 بیڈ پر مشتمل آر ایچ سی (پی پی ایچ آئی) ہسپتال ریڑھی گوٹھ، کا دورہ۔ جہاں 60 ہزار کی آبادی والے علاقے سے روزانہ آٹھ سو سے ایک ہزار تک مریضوں کو بنیادی طبی سہولیات فراہم کی جاتی ہیں ۔

دورے کے دوران بعض پیرا میڈیکل اسٹاف کی غیر حاضری اور کئی ڈاکٹرز کی وہاں پوسٹنگ کے باوجود ان کے من پسند دیگر ہسپتالوں میں خدمات پیش کرنے پر سخت برہمی کا اظہار کیا گیا اور انتظامیہ کو ہدایات جاری کی گئیں کہ مکمل اسٹاف کی موجودگی اور مریضوں کو ترجیحی بنیادوں پر علاج معالجے کی سہولیات کی فراہمی کو یقینی بنایا جائے۔

بعد ازاں نگراں میڈیکل سپریٹنڈنٹ ڈاکٹر سعید رند کی جانب سے ہسپتال کے مجموعی امور پر تفصیلی بریفننگ دی گئی، جس میں اسٹاف کی کمی، بجٹ کی قلت، آئی سی یو کے قیام، ہسپتال کے مضافات میں بڑھتے ہوئے ہوئے ڈکیتی کے واقعات، ڈاگ بائیٹس کے بڑھتے واقعات اور دیگر انتظامی معاملات کے مسائل کے حل کے اعلیٰ حکام سے بات کرنے کی درخواست کی گئی۔