Judicial Member (SHRC) Justice (R) Arshad Noor Khan, Visited the 450-bed Sindh Government Hospital at Korangi No. 5, Karachi.

• April 24, 2024

بدھ، 24 اپریل 2024.

سندھ ہیومن رائٹس کمیشن کے جوڈیشل میمبر جسٹس ریٹائرڈ ارشد نور خان نے اپنی ٹیم کے ہمراہ کورنگی 5 نمبر, کراچی میں موجود 450 بیڈ پر مشتمل سندھ گورنمنٹ ہسپتال کا دورہ کیا۔

دورے کا مقصد کورنگی کے عوام کے لیے دی گئی بنیادی طبی سہولیات کا جائزہ لینا اور مختلف شکایات کا ازالہ کرنا تھا۔

میڈیکل سپریڈنٹ ڈاکٹر ظفر عباس ، ڈپٹی میڈیکل سپرنٹینڈنٹ ڈاکٹر عظمیٰ اور ڈپٹی ڈسٹرکٹ ہیلتھ آفیسر ڈاکٹر عارف عباسی نے سندھ ہیومن رائٹس کمیشن کی ٹیم کا استقبال کیا اور ہسپتال کے مختلف امور پر تفصیلی بریفننگ دی۔

بعد ازاں مختلف سیکشنز کی انسپکشن کے دوران ہسپتال کی عمارت کی خستہ حالت، 450 میں سے صرف 160 بیڈ کی فعالیت، سینیٹری ورکرز کی غیر حاضری اور صفائی کے انتہائی ناقص انتظامات، نئی تعمیر شدہ عمارت کے بندے ہونے، اور لوئر اسٹاف کی جانب سے کرپشن کے الزامات پر سخت برہمی کا اظہار کیا گیا۔

بعد ازاں ہسپتال کی انتظامیہ کی جانب سے دس گھنٹے کی بجلی کی لوڈ شیڈنگ اور سینیٹری ورکرز کی خالی آسامیوں کی شکایت کی گئی، جب کہ لوڈ شیڈنگ کے مسئلے سے نمٹنے کے لیے سولر سسٹم کی انسٹالیشن کے لیے درخواست بھی کی گئی۔

جوڈیشل میمبر سندھ ہیومن رائٹس کمیشن کی جانب سے موقعہ پر موجود انتظامیہ کو ہدایات جاری کی گئی کہ خالی آسامیوں کو پر کرنے اور سولر سسٹم کی انسٹالیشن کے لیے فوری اقدامات کیے جائیں اور بنیادی طبی سہولیات کی بغیر کسی تعطل کے فراہمی کو یقینی بنایا جائے۔